As Xornadas de Folclore traerán a Ourense grupos de doce países
Máis de trescentos artistas percorrerán a provincia, xunto con Monforte e Chaves, do 7 ó 16 de agosto As Xornadas de Folclore 2000, que se desenrolarán do 7 ó 16 de agosto, contarán este ano coa participación de grupos procedentes de doce países _desde Rusia a Costa de Marfil, pasando por Colombia ou Vietnam entre outros_. Durante dez días un colectivo de trescentos artistas, integrados nos seus respectivos grupos, percorrerán toda a provincia de Ourense e achegaranse ata Monforte e Chaves para cubrir os 18 festivais programados pola organización neses días. O programa, o cartel e as características dos grupos foron dadas a coñecer onte por parte da organización das Xornadas, responsabilidade que recae na Deputación de Ourense. As consellerías de Familia e Cultura colaboran coa iniciativa.
