A comarca prepárase para celebrar o Día de Rosalía


Pontevedra / La Voz

Co gallo da conmemoración do Día de Rosalía, o vindeiro mércores 24 de febreiro, a Deputación de Pontevedra a programado unha serie de actos para homenaxear «á escritora galega máis representativa da nosa literatura», apuntou Carmela Silva.

Deste xeito, anunciou que, como novidade, se promoverá a acción Proxectando a forza de Rosalía!, que se desenvolverá no Pazo Provincial en Pontevedra, así como nos concellos de Silleda, Caldas, Bueu, Salvaterra, Oia e O Rosal, e consistirá na iluminación da fachada cunha imaxe e frase da compostelana. Trátase dun «mapping que alumeará o Pazo entre o 24 de febreiro e o 2 de marzo (...). A idea que temos é que o público comparta as súas fotografías coas fachadas alumeadas nas redes sociais cos hasthags #CoaForzadeRosalía, #DíadeRosalía e #ADepoconRosalía», engadiu a presidenta da Deputación.

Ademais, o propio Día de Rosalía terá lugar un acto cultural no Pazo, que se desenvolverá sen público presencial, pero que poderá seguirse a través das canles institucionais e contará cun servizo de interpretación de lingua de signos. Consistirá na lectura en remoto de poemas de Rosalía a cargo de nenas e nenos dos centros educativos da provincia, así como se lera o manifesto elaborado por Anna R. Figueiredo e impulsado pola AELG (Asociación de Escritoras e Escritores en Lingua Galega), e actuará Uxía Senlle.

A maiores, este venres concluíu o prazo para participar no concurso de debuxo A nosa Rosalía, un certame que busca achegar a figura da autora á rapazada. Os colexios dos gañadores participarán dunha actividade lúdica de Polo Correo do Vento.

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

A comarca prepárase para celebrar o Día de Rosalía