?entro de tres meses Xoaquín de Acosta deixará o seu cargo de concelleiro de Tráfico. Antes deberá resolver o caos de tráfico que orixinará o peche de Cervantes e dun tramo de Urzaiz. -Hai dúas fases e a máis problemática é a de Urzaiz. Imos axustar a saída da autopista e deixaremos saír soamente os vehículos que poida asumir o entorno. -¿A situación é tan complexa como o peche de túnel de Beiramar? -É diferente. En Beiramar o maior problema representabao o transporte pesado que houbo que desviar. Aquí trátase de encaixar soamente o transporte privado. -¿Ten algún consello que darlle ós conductores? -Que respecten as normas de circulación de maneira especial nesas zonas... os que teñan que ir. Os que poidan evitalo, que vaian por outros sitios. Espero que todo saia ben e penso que hai capacidade nas rúas para o tráfico. -Entón.... -A cuestión é que funcione ben o diseño da xestión semafórica. -¿Sen dúbida, non foi posible outra solución que o peche de Urzaiz? -Realmente non. Se nos damos conta de cómo é Vigo e a falta de transversalidade das conexións, non é posible outro sistema que descargar o tráfico por Alfonso XIII. As outras alternativas son Isaac Peral ou a Falperra. -Uruguai segue en obras (polo mércores)... -Ten que estar lista para a primeira hora do xoves (hoxe). De non ser así teríamos que adiar o peche. -¿Cantos axentes da policía local estarán hoxe e o luns na zona? -Todos os efectivos que fagan falta para que a cousa funcione. Pasados os primeiros días reducirase o número, sempre no suposto de que non haxa problemas. Será a cuestión principal no departamento estes días, como é previsible.