SETE VOLTAS


A forma, o valor e o sentido de Arredor de sí , como unha chef-d'ouvre do corpus literario oteriano remanece da coimplicación nela dos sete postulados seguintes, que coidamos claves esenciais para acometer con rigor a lectura desta e outras obras ficcionais do señor de Trasalba: 1) é epifanía da fé cristiá do autor; 2) está vivencialmente iluminada polo sentimento metafísico do autor conforme á inserción da trascendencia na inmanencia a través dunha Filosofía do Camiño providencialista; 3) adscríbese a unha meta-antropoloxía dramática que refuga de toda concepción da Historia baseada nos principios do materialismo dialéctico, do positivismo analítico e do sistematismo científico; 4) arríza na paixón vital da «saudade do máis alá», ligada a unha metafísica realista, panenteísta, de raíz celtoatlántica; 5) está pragmaticamente comprometido coa cosmovisión da Igrexa católica como Terra de promisión e dos galegos como nación elixida polo sartego xacobeo; 6) está histórica e politicamente encarnado na ortopraxe de pathos e ethos cristiá que se incultura no Galeguismo como obxectivación das determinantes que existen no ser de Galicia, ideario que é á vez ariete anticentralista con que loita a prol da afirmación de Galicia como país negado e marxinado polo Estado español; 7) vincúlase a un idiosistema tradicional de organización da vida (nucleado na familia e na parroquia) que se rexe polo modelo de desenvolvemento das formas productivas propias do ciclo de esplendor do precapitalismo. Estes presupostos atópanse incardinados en dous feitos: dun lado, na súa personalísima forma de expresión e doutro, na temática cultural e simbólica da matanoia oredor do que debemos entender por Galicia oteriano: Fideocentrismo, etnocentrismo e logocentrismo, as tres asimiladas e superadas na hermeneuxe relixiosa.CAMILO F. VALDEHORRAS, profesor de Filoloxía Galega na Universitat de Barcelona

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags

SETE VOLTAS