Dentro da programación da Televisión de Galicia para a vindeira semana hai dous espacios reservados para o Día das Letras Galegas. Ó longo da vindeira semana, abrirá a súa emisión matinal cun documental sobre a festividade do 17 de maio. O luns e o martes haberá un documental cunha pequena biografía de cada un dos autores homenaxeados desde 1963, Rosalía de Castro, ata 1976, Ramón Cabanillas. O mércores, a emisión centrarase na figura de Castelao. Repasaranse as súas facetas como escritor, debuxante e político, ademais do seu itinerario vital. O xoves tocaralle o turno a Ramón Otero Pedrayo, e os programas rematan cun especial sobre o homenaxeado deste ano, frei Martín Sarmiento, facendo un fincapé especial na súa relación con Galicia. Ademais dos documentais, o cine feito en Galicia ou vencellado á Comunidade Autónoma será protagonista a vindeira semana. A carteleira prevista permitirá revivir algúns dos clásicos cinematográficos con selo galego. De «Sempre Xonxa» ó «Dogma» O lunes ábrase con Era outra vez, de Juan Pinzás, considerado o primeiro filme Dogma español. Tamén emitirase Cando o mundo se acabe seguereite amando, de Pilar Sueiro . O martes é o turno de Cando volvas ó meu lado , de Gracia Querejeta. Ó día seguinte poderá verse Arde amor , un drama romántico de Raúl Veiga, e o xoves Fronteira sur , e Dame lume , de Hector Carré. O venres proxéctase Sempre Xonxa , de Chano Piñeiro, o sábado A lingua das bolboretas e Condenado a vivir , e o domingo Entre bateas e Fisterra .