Verín e Trives mídense este mércores en «Come a comarca»

TVG emite a partir das 22 horas unha nova entrega do concurso


redacción

Come a comarca: As batallas, a maior competición gastronómica de Galicia, chega este mércores noite, ás 22 horas, á Televisión de Galicia cunha nova competición. O programa viaxa este mércores a Ourense para enfrontar a Verín e Trives, dúas terras ricas en carnes e froitos típicos do outono.

O presentador, Fran Cañotas, percorrerá os dous territorios na procura das súas mellores cociñeiras e cociñeiros, aqueles capaces de representar no programa todo o seu legado culinario. Este camiño do bo comer levarao na comarca verinesa a lugares como Terra de Baronceli, unha aposta pola agricultura orgánica en forma de marmeladas e patés de froita ou produtos de horta. Na Terra de Trives achegarase á cultura gandeira da man de Gandeiría Galupa, que conta con máis de 70 cabezas de gando de vacas limusinas con privilexiadas vistas á alta montaña.

Trives e Verín serán as novas comarcas que participarán en Come a comarca: As batallas, onde un total de dezaseis territorios galegos entran nunha competición vinculada coa súa gastronomía representados por equipos de cinco profesionais dos fogóns. Así loitarán por facerse co premio do programa: 5.000 euros que serán para quen acade a final e 15.000 que levarán os vencedores da final.

Unha vez recrutados os membros dos equipos chegarase a un enfrontamento no que só poderá quedar un equipo: o que mellor cociñe.

O equipo de Verín que pelexará esta noite estará liderado por Begoña Vázquez, do restaurante Regueiro da Cova (Verín), que vén co seu axudante Luis López. Completan o equipo José Luis Prieto, de O Retiro do Conde (Monterrei); Emilio Prieto, da Confitería La Primavera (Verín) e Óscar Arca.

O bando de Trives estará capitaneado por Anxo Fernández, do Hostal La Viuda (A Pobra de Trives), acompañado por Isabel Prada, da Casa do Agenor (A Pobra de Trives); Luisa Martínez, Berta Cereijo e Óscar Freire.

Todos eles terán que elaborar a contrarreloxo un menú composto por tres pratos a proposta dos xefes de salgados e doces do programa, Gerson Iglesias e Manuel Garea.

Pero non queda aí a cousa. Un xurado composto por quince expertos en gastronomía probará as elaboracións nunha cata a cegas e determinará sen trampa nin cartón cal é o sabor que máis lle gusta. Desde xeito se decidirá quen pasará á seguinte fase do programa.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Verín e Trives mídense este mércores en «Come a comarca»