A exposición inaugúrase este mércores e incluirá a lectura dos «Seis poemas galegos»
22 oct 2025 . Actualizado a las 04:55 h.Hoxe • 12 horas • Claustro alto de Fonseca • Entrada libre • A exposición «Lorca e Galicia: 90 aniversario da primeira edición de Seis poemas galegos» bota a andar hoxe ás 12.00 horas, no Claustro Alto do Colexio de Fonseca. O acto inaugural conta coas intervencións de Pilar Murias Fernández, vicerreitora de Estudantes e Cultura da USC; Mabela Casal Reyes, directora da Biblioteca Universitaria da USC; Cristina Cabada Giadás, comisaria da exposición; e Henrique Alvarellos, editor, fondo coñecedor do vínculo de Lorca con Galicia e autor da obra «Federico García Lorca en Santiago de Compostela». O acto pecharase coa lectura dos «Seis poemas galegos» do autor granadino, pertencente á xeración do 27.