Música clásica | Concerto da Real Filharmonía
07 feb 2007 . Actualizado a las 06:00 h.Os melómanos e afeccionados teñen outra cita ben interesante dentro da temporada musical de abono. A Real Filharmonía de Galicia toca ás ordes do mestre italiano Aldo Ceccato, un dos directores máis relevantes do panorama musical europeo. Director principal da Orquesta Filarmónica de Málaga na actualidade, a traxectoria de Ceccato está marcada por feitos relevantes coma o seu paso pola Sinfónica de Brno, enseña musical da República Checa. O concerto desta noite supón a súa volta ao Auditorio compostelán (estivo no 98 impartindo un curso de dirección de orquestra) para dirixir un programa con obras de Mozart, Mendelssohn, O. Respighi e Prokofiev. O concerto contará coa intervención como violín solista de James Dahlgren, concertino da Real Filharmonía de Galicia, ademais de principal concertino convidado da Sinfónica de Bilbao, para tocar o Concerto para violín de Mendelssohn .