O TINTEIRO
23 jul 2005 . Actualizado a las 07:00 h.AQUELES que añoran a kale borroka dun xeito papanata, aqueles que queren importar o peor doutros territorios, deben saber que Compostela non é Baracaldo e que, en Galicia, a violencia terrorista non ten apoio social, por fortuna para os nosos cidadáns e para a nosa democracia. Querer importar o cancro do amedrentamento e da violencia como método de acción amosa ate que punto pode ser un fascista aquel que pensa que é un progresista revolucionario. Nese pequeno terrorismo de palleiro están involucrados catro, con nomes e apelidos. Pero ese xérmolo, por pequeno que sexa, sempre pode medrar e chegar a converterse nun grave problema social. É responsabilidade de todos loitar na defensa cívica das ideas e é función da policía traballar como onte, con dilixencia e eficacia. Os detidos non lograron o seu obxectivo e todo quedou nun susto provocado por catro. Os catro pantasmas de sempre.