11 may 2001 . Actualizado a las 07:00 h.
Os Mejuto falaban dos seus animais como se formasen parte da familia. A Mora, recén parida, era a mellor vaca que tiñan, e lembraban a data de nacemento do seu becerro como se fose o cumpreanos dun fillo: o 27 de abril. «Era un becerro guapo, guapo redondo», afirmaba María sen poder conte-la emoción. A vaca, polo que parece, deu recuado para fóra da corte, pero morreu a causa da asfixia que lle produciron os fumes. A burocracia fará que a día de hoxe esta familia estea a contempla-lo cadáver da Mora, pois os servicios veterinarios dixeron que o camión que ten que recollela tardará en vir un día enteiro.