De libros e cinema, as outras citas culturais deste xoves

Ao marxe da programación de entroido propia desta época do ano, Pontevedra ofrece outras dúas alternativas de ocio para gozar deste xoves.

Literatura

Hoxe • 19.00 horas • Libraría Paz • Acompañada pola libreira e escritora Cynthia Menéndez e o editor Marcos Calveiro, Tamara Andrés presenta en Pontevedra o seu libro Eu son de aquí e de alá (Ed. Galaxia). Trátase do primeiro libro de narrativa da autora de Combarro, que conta «cunha sólida traxectoria como poeta e investigadora, e actual directora da colección Dombate da editorial».

Cinema

Hoxe • 19.00 horas • Casa das Campás • Inicialmente prevista para exhibirse o pasado 23 de xaneiro, Pontevedra acolle estar tarde a proxección do filme La Traversée, de Florence Miailhe. Esta proxección enmarcase na última das sesións do ciclo de cinema Dulce bellum inexpertis, que buscou afondar nos efectos e consecuencias das guerras.

---

---

---