Nao despídese por todo o alto


Pontevedra / La Voz

Tal e como recordou Jasper, a anterior vez que tocaran en Pontevedra o fixeron ante menos de medio centenar de persoas -cifra que tampouco hai que desdeñar si se ten en conta que no primeiro concerto de Ramones non chegaba a trinta- e este sábado, no que, en teoría, é a súa última actuación na cidade do Lérez practicamente encheron a Sala Karma. E digo, en teoría, porque aínda son moitos fans de Nao que anhelan velos tocar nalgúns dos festivais que se organizar na capital. Quizás no Galegote ou, incluso, o Surfing The Lérez... so o tempo o dirá.

Para moitos é ata certo punto incomprensible ver como unha das más senlleiras bandas de hardrock decide retirarse dos escenarios, uns espazos onde deixan patente a potencia do seu directo, a compenetración e as gañas de divertirse. E máis si cabe, cando acadaron algo tan complicado como un relevo xeracional entre os seus incondicionais. En Pontevedra, non so había fans que rebasaban a barreira dos 40, senón tamén rapaces, moitos rapaces, que contaxiaban a súa enerxía a os músicos.

Foi un concerto explosivo dende que os Grilo fixeron de mestres de cerimonia e caldearon o ambiente. A súa presenza constatou que non hai nada perdido, que hai futuro para o rock en galego.

Durante máis de hora e media, Nao desgranou algúns dos temas emblemáticos da banda, pero tamén outros do seu último traballo, Ata que o lume se apague. E no apartado de colaboracións, as de Patti Castro unha das poucas mulleres da escena metal galega.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Nao despídese por todo o alto