08 ago 2009 . Actualizado a las 02:00 h.
Ademais da literatura infantil e xuvenil, Fina Casalderrey abordou a gastronomía en varias das súas obras como «O libro da empanada». Un prato que lle gusta preparar polo ritmo pausado que esixe. «Non é difícil, pero precisa paciencia -di-. A parte de arriba é como ir poñendo o enlosado nun chan, tes que ir plaqueta a plaqueta». Recoñece que escribir sobre recetas «é un chisco diferente, pero gastronomía e literatura están interrelacionadas desde sempre. De gastronomía escribiu Cunqueiro, Víctor Hugo, Dumas... Mesmo José Carreras misturou música e cociña. E é que a cociña vaille ben con todas as artes».