Patrullas da Brilat farán a ruta lusa participando en competicións con outras agrupacións militares
03 jun 2008 . Actualizado a las 02:00 h.A Brilat (Brigada de Infantería Lixeira Aerotransportable) está de cumpreanos, concretamente o 39 aniversario do primeiro Aerotransporte. E a celebración estará esta semana chea de actividades tanto na base do cuartel de Figueirido como na propia cidade de Pontevedra.
A primeira será a xa tradicional competición militar entre patrullas que se desenvolverá no itinerario do Camiño Portugués a Santiago, que comezará hoxe desde Tui e na que participarán oito formacións da Brilat procedentes da base General Morillo de Figueirido y Siero (Asturias). A brigada pontevedresa quere quitarse a espina do pasado ano, no que unha patrulla de Infantería de Mariña privoulle de revalidar a competición acadada no 2006.
Nas diferentes etapas da peregrinación ata Santiago de Compostela, que se desenvolverá desde hoxe ata o xoves 5, os participantes nesta competición, que pertencen a outras nove patrullas (Brigada de Paracaidistas de Madrid, Brigada da Lexión, Brigada Abril V, Brigada de Cazadores de Montaña, Brigada de Caballería, Exército do Aire, Escola Naval Militar de Marín e o Tercio da Armada de Ferrol), deberán demostrar, ademais da súa preparación física para a ruta, a súa destreza en diferentes probas.
Estas inclúen sesións de tiro (tanto con fusil como con arma corta), un recorrido topográfico, tamén unha proba de descenso en rapel, un paso de obstáculos por medios semipermanentes (a través da tirolina) e un paso de río a nado.
A proba de orientación terá lugar hoxe ao mediodía en Porriño, mentres que pola tarde os soldados chegarán previsiblemente á base General Morillo, onde se desenvolverán as probas de rapel, tiro e o paso de obstáculos. E mañá estarán en Caldas para facer o paso do río no Umia e en Pontecesures para cruzar o río a nado. A chegada a Santiago está prevista para o xoves, en que as patrullas farán primeiro unha parada militar no Obradoiro e ás 12 os participantes asistirán á misa do peregrino na catedral compostelana e farán unha ofrenda ao Apóstol.
Concerto na Alameda
Ademais destas probas, outra das actividades máis significativas do aniversario será o concerto que a Banda de Guerra da Brilat de Figueirido ofrecerá tamén este vindeiro xoves na Alameda, xunto a outras agrupacións, a Banda de Música da Escola Naval Militar de Marín e da cuarta Subinspección Xeral do Exército, con sede en A Coruña. O acto está previsto para as 20 horas.