O entroido non quere marchar e o Vibomask prolonga a celebración en Viana e Vilariño
OURENSE
A festa revive grazas a un festival que conseguiu reunir a representates de medio centenar de localidades da Península
22 mar 2026 . Actualizado a las 17:12 h.Din os de Xinzo de Limia que teñen o ciclo de entroido máis longo do mundo. Este ano terminou, en teoría, co domingo de piñata do día 22 de febreiro. Os máis entroideiros da provincia de Ourense pensan xa nos preparativos para o 2027, pero o Vibomask axuda a quitar o mono de festa. O festival, que este ano alcanza a súa undécima edición, reúne a representantes de entroidos de toda a Península, de Ourense, pero tamén de Estremadura, Cantabria, Euskadi ou Portugal.
Onte a festa celebrouse en Viana do Bolo e o prato forte do programa era o desfile cos participantes chegados de todos os territorios. Este domingo a actividade trasládase a Vilariño de Conso, onde tamén haberá un mercado de produtos tradicionais.