Mañá actuará Gargallada e o xoves pechará o cartel un recital poético a Rosalía e Florencio
16 jul 2013 . Actualizado a las 20:05 h.O ciclo «De perto» co que o Concello de O Barco quere promocionar aos artistas locais e mostrar, ao tempo, as posibilidades como escenarios naturais de varios espazos públicos, entra na súa recta final. Mañá e o xoves, ás 22.30 horas, cos xardíns da Casa Grande de Viloira, haberá teatro, poesía e música. Mañá mesmo a cita será con Gargallada. Gabriel Prada representará o monólogo «Quimera» baixo a dirección de Paco González. Un día despois, e como broche de ouro, está previsto «Cantarenas e cantares, con Rosalía e Florencio». É un recital poético e musical argallado co gallo do 150 aniversario de «Cantares gallegos» de Rosalía de Castro e o 110 aniversario do nacemento de Florencio Delgado Gurriarán. Baixo a dirección de Pilar Alonso, os asistentes poderán ver a Anxo Rei, Magín Blanco, Campos, Taboada e Guillén, Tornaxeira, Christian Escuredo, Gabriel Prada, Sol Iglesias, Eva Ferreira, Pilar Alonso, Anxo Baranga, Noemí Pinto e Manuel Caramés.