BALCÓN DE MOREIRAS | O |
27 dic 2005 . Actualizado a las 06:00 h.SEMPRE se dixo que Ourense vivía de costas ao río Miño. E non era sen razón. Algo fixera Manuel Veiga, máis agora o noso alcalde Manuel Cabezas estase a ocupar de que as beiras do río dos ríos galegos melloren para ben de propios e estranos. Acábase de inaugurar un espazo de vinte mil metros cadrados máis. Diráseme que é a obriga do noso primeiro edil e do grupo do Partido Popular que dirixe. Maís, curiosamente, sen tan curiosamente, o xornal «exclusivamente ourensano», soio olla o lado negativo dista realidade: que o alcalde non convidou a algún representante do organismo que colaborou nesta grande mellora. Di un vello dito, que si hai quen fala mal de Alemaña é un francés; si outro fala mal de Francia é un inglés, si hai quen despotrica sobre España é un español. Pois eiquí, nesta cidade nosa, na que non todo é negativo, hai algúns que, querendo ter a exclusiva do «patrioterismo» local, están a pór madeiras ás rodas de todo o ben feito por Cabezas. Que Deus llo pague, ou que llo demande.