DIARIO DE AURIA | O |
05 dic 2003 . Actualizado a las 06:00 h.OS FOROFOS do Barça estamos condenados ao misterio de Peret: una lágrima cayó en la arena. Ser barcelonista é unha pequena traxedia. E máis se un é barcelonista nunha provincia como esta, repleta de madridistas e madridistas reconvertidos en deportivistas (unha especie, devoradora, que creceu copiosamente nos últimos anos). Ser do Barça é unha claudicación, un infortunio, unha miseria. Ser do Barça é un gol en propia meta, unha tempestade, un tornado sentimental que te come a alma. Pregúntome: ¿Por que Rijkaard? Prefiro a David Vidal, que está libre. ¿Por que el guaperas de Valdés? Porque Rustu é o número un do mundo e está mellor no banco (e Riquelme no Villarreal). ¿Por que tanto colorín, tanta coña marinera, tanto espectáculo gastronómico e musical? Porque el nuevo presidente es así de guay, y de yupi, y de moderno (fútbol es fútbol... pero el presi no se entera). ¿Por que Overmars sen xogar, por que xoga Xavi, por que Gabri, por que perdemos, por que nos mete cinco o Málaga, por que me vacilan os do Madrid, por que me temo lo peor esta noche? Tot el camp es un clam. Caerá, de nuevo, una lágrima en la arena. No tenemos remedio