Toca vacinarse

María Canosa
María Canosa PINGAS DE CRISTAL

OPINIÓN

Eduardo Briones | Europa Press

04 jun 2021 . Actualizado a las 05:00 h.

Hai tempo que veño pensando que a fin da pandemia só podía pasar pola vacinación masiva. Como seres individuais cometemos moitas incongruencias. Queremos acabar con este secuestro social pero, en canto nos abren un chisco a porta, botámonos a perder. Sacamos a máscara, facemos congregacións masivas, non respectamos as normas... temos memoria de peixe, vaia.

Por iso agardaba con ansia a vacina. Por iso, tamén, a industria se enleou nunha guerra por conseguir un antídoto contra o covid á maior velocidade. Eu, que cos anos aprendín a ser menos impulsiva e xuntar paciencia, nalgún momento me pareceu que perdiamos de vista o obxectivo primordial, o de atopar un fármaco competente, polo ímpeto de facelo primeiro, o que reportaría moitos beneficios.

Con todo, aínda que quizais algúns pasos se acelerasen, o protocolo foise cumprindo e a ciencia deu avanzado para salvarnos.