Suscríbete 1 año y te regalamos 140 días gratis
Quiero la oferta

Vivamos o galego

OPINIÓN

Manifestación polo Día das Letras Galegas organizada por Queremos Galego en Santiago, en el 2019
Manifestación polo Día das Letras Galegas organizada por Queremos Galego en Santiago, en el 2019 Paco Rodríguez

17 may 2021 . Actualizado a las 10:50 h.

Cando Rosalía de Castro, o 17 de maio de 1863, publicou Cantares Gallegos estaba a asentar as bases do rexurdimento dunha lingua que durante séculos fora reducida á comunicación oral e excluída dos mecanismos que conforman a cultura en sentido amplo e globalizador. Aquel libro de versos que foi editado en Vigo, no prelo de Juan Compañel, marca o intre fundacional dun novo xeito de vehicular identidade e creatividade para o noso pobo. Dende aquela, con altibaixos, con mordazas como as que supuxo a «longa noita de pedra» que versaba Celso Emilio, e coa normalidade que supuxeron as institucións democráticas e de autogoberno desde os oitenta, chegamos a un tempo no que facer balanzo e procurar que ese patrimonio único, histórico, teña un futuro asegurado.

Precisamente por iso, cómpre ter en conta as advertencias das institucións europeas en relación a que, entre a mocidade, o galego vai perdendo terreo, precisamente cando máis medios hai para a aprendizaxe de idiomas e máis interaccionamos con outras linguas coma o inglés ou o castelán.

Saber, querer e usar o galego non só é compatible coas competencias noutras linguas, senón unha porta aberta ao mundo que nos facilita a comunicación con millóns de cidadáns lusofalantes.