A estupidez en grao máximo

María Canosa
María Canosa PINGAS DE CRISTAL

OPINIÓN

18 ene 2021 . Actualizado a las 05:00 h.

Temos que deixar de adorar o famoseo sen límite. Non vale todo o que fan. Debemos recoñecerlle os méritos, medíndoos coa mesma escala que apliquemos os os demais.

O da Pedroche en coiros facendo que meditaba no medio da neve, aproveitando que Filomena convertía ao centro de España en punto de mira... é dunha estupidez extrema. Por certo, en coiros tamén se pode dicir «en porrancho». E, non me digan por que, a min paréceme que lle acae mellor.

Que é unha rapaza que se fixo a si mesma? Non o dubido. Ten o seu mérito. Pero o de sacar a devandita foto é unha parvada soberana, miremos por onde o miremos, e punto. Como lle escribiu unha médica nunha rede social, non nos satures o sistema sanitario. Ou o que é o mesmo, ten cabeciña.