A Cidade das TIC


Había tempo que non se escoitaban novas sobre a Cidade das TIC, a desenvolver na Coruña. A iniciativa retorna á actualidade seica polo atraso na súa realización, e quizais sexa ilustrativo lembramos como se desenvolveu unha idea semellante hai décadas, a do Parque Tecnolóxico de Galicia.

Se a memoria non falla (e para corrixiren están vivos os actores principais daquela historia), o conselleiro de Industria encargara á -única- universidade galega o proxecto cun obxectivo: perfilar en detalle o parque nun tempo mínimo. A universidade pasoulle o desafío a Feuga e o seu director escolleu expertos que viaxaron mundo adiante, viron, falaron e contrastaron. Nese grupo tiñan grande peso os tecnólogos a pé de empresa. O proxecto presentouse con rigor empresarial.

Xa hai décadas que as TIC superaron as áreas de coñecemento da telecomunicación e a informática. Cando a industria 4.0 é un feito, cabe preguntarse se, para lle dar pulo ao proxecto con sede coruñesa, non sería conveniente involucrar o Consello Galego de Enxeñerías, confiando na efectividade e na visión industrial dos colexios profesionais que o conforman. Á fin das contas, a Cidade das TIC é para toda Galicia e zonas de contacto xeográfico e socio-económico (en cuxa condición a Xunta de Galicia fixo aposta polo proxecto).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

A Cidade das TIC