O Plan Fotón


Durante estes tempos da pandemia estase a falar moito dos sistemas que aguantaron o esforzo. O das telecomunicacións deu a agradable sorpresa de soportalo coma a médula e os nervios de todo. As fibras ópticas foron claves para conseguir que funcionase, mais, coma os nervios, son estruturas físicas moi finas e humildemente ocultas.

Comezáronse a estender, soterradas, co Plan Fotón da Telefónica, que o seu director xeral de comunicacións de Empresa -o vigués Guillermo Fernández Vidal- anunciaba en 1993. Telefónica posuía dereitos de paso e apoio para cabos por toda España e tomou unha decisión con visión de futuro, cuxo acerto ficou rotundamente demostrado. En canto compañías de telecomunicación doutros países se mantiñan transmitindo electróns e ondas de radiofrecuencia, o monopolio español apostou por transmitir fotóns.

Nestes días andan críticos a falar de «abusos da Telefónica» con respecto ás redes de fibra. Porén esquecen que o tempo pasa, as técnicas se vulgarizan e as leis mudan. Agora vemos as telecomunicacións coma un negocio aberto, mais pouco antes do Plan Fotón aínda se ensinaba nas universidades a conveniencia do «monopolio natural» para dar «servizos universais». Durante máis dun século esa doutrina xuntara Correos, Telégrafos e Telecomunicacións nas «nacións avanzadas».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

O Plan Fotón