Deportividade


O deporte é necesario, por saúde física e mental. É positivo que no colexio os nenos aprendan a valorar o exercicio. Con el aprenden a superarse, esforzarse, respectar, compartir... Hai deportes individuais e colectivos e de ambos tiramos valores importantísimos.

Pero o deporte non o é se non hai deportividade nel. Neste Mundial de Atletismo, en Doha, o atleta Johathan Busby, de Aruba, desfaleceu un chisco antes de cruzar a meta. Eu teríame deitado no chan e chamaría unha ambulancia. El non quería desertar. Enténdoo. É demasiado tempo de sacrificio para xogarse todo nun día. Eles sábeno mellor ca ninguén.

Saben que pasou? Que un dos seus rivais, o guineano Braima Suncar Dabo, acompañouno, apoiado no seu corpo, ata a meta. Ao cruzala, os dous atletas gravaron o tempo nos seus teléfonos. Busby caeu ao chan. Hai uns meses foi atropelado por un coche. A espírito de superación é emocionante.

É unha mágoa que Orlando Ortega sufrise a cara escura dos que queren ser deportistas pero non saben o que é a deportividade. Corría ao lado de Omar McLeod, un xamaicano que se meteu na súa pista, cortándolle o ritmo e calquera posibilidade de avance. Ía terceiro. O xurado non aceptou nin a apelación da Federación Española. O sacrificio de meses e anos, ao lixo por mor das malas prácticas dun rival.

Crebábaselle a voz ao comentar a situación. Sentíase impotente e indefenso. E, aínda así, dicía que quedaría con todo o bo que lle pasou este ano.

Forza, Orlando. Tes a medalla de ouro en deportividade.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Deportividade