Pouca honestidade, ou ningunha


Falar de honestidade intelectual en tempos de fake news pode semellar cousa desavida; pero cómpre facelo unha e outra vez se aínda nos queda un mínimo respecto pola verdade, pola dignidade e pola honradez. E xusto debemos teimar na idea aínda que nos refiramos á política e aos políticos. 

O sectarismo que hoxe domina a actividade política acostuma ter finalidade deformadora da realidade pola súa actitude premeditadamente mentireira. Cando certas opcións políticas pretenden unha división entre constitucionalistas e non constitucionalistas saben de sobra que nos están mentindo, pois, que se saiba, a única opción política hoxe existente neste país, contraria á Constitución en cuestións fundamentais, é a extrema dereita, coa que aquelas pactan en pe de igualdade. Meter no mesmo saco nacionalismo e independentismo, opcións constitucionais as dúas, é pan de cada día no discurso ignaro dalgúns medios e de certas opcións políticas. Por suposto, hai para os tales un nacionalismo bo, que nin sequera se cuestiona, e un nacionalismo que se refuga, porque se refire a realidades que non se queren ver. Alcúmase de populistas a opcións que inclúen nos seus programas a defensa dos dereitos sociais, da sanidade universal, da educación pública ou a procura de leis laborais xustas, e fan canto poden por coutar os avances sociais e a loita contra a desigualdade, entre moitos outros exemplos. Unha das últimas ocorrencias: o falseamento do acordo de Goberno de Navarra presentándoo como homenaxe a ETA pola abstención de Bildu, que o posibilitou, e como proba dun acordo co PSN que non existe. Pero calan os pactos, estes reais, coa extrema dereita en Andalucía, Madrid e Murcia. Para certos patriotas, falsear a realidade custa ben pouco.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
40 votos
Comentarios

Pouca honestidade, ou ningunha