O tamaño si importa

María Canosa
María Canosa PINGAS DE CRISTAL

OPINIÓN

29 abr 2016 . Actualizado a las 05:00 h.

Que non, María, que ao tamaño dos peitos non se lles dá tanta importancia coma ti dis, faime caso. Pero María, eu, non facía moito caso, porque estaba completamente convencida de que levaba razón, que ao físico da muller se lle segue a esixir máis da conta. Non só iso, moito máis ca ao dos homes.

De cando en vez sábese de condutas (totalmente reprochables) que así o demostran. Non hai nada que se publicitaba unha curiosa oferta de traballo nunha localidade galega, pero ben podería ser calquera outro lugar.

Buscaban camareira. Ata aí, ben. O que me fai levar as mans á cabeza son os requirimentos esixidos: «bo peito» e «mínima experiencia».