Menosprezo do Goberno á Xunta de Galicia


En xuño de 1978 nacía o Goberno preautonómico de Galicia. A UCD desbotou a posibilidade de que un galeguista histórico fose presidente e foi elixido Antonio Rosón. As distintas consellerías ocupáronas José María Pardo Montero, Ramón Pais, Baldomero Fernández Calviño, José Luis Meilán, José Quiroga Suárez, Miguel Sanmartín e Carlos Sueiro, da UCD; os independentes Marino Dónega e Benxamín Casal, e o socialista Celso Montero. O secretario foi José Rivas Fontán, tamén da UCD.

Desde o primeiro momento notouse que nin os dirixentes da UCD nin os do PSOE tomaban en serio a autonomía galega. O presidente Rosón fixo canto puido por vindicar os dereitos de Galicia, igualándoos aos de Cataluña e o País Vasco, pero a reportaxe que contra el e a súa familia publicara a revista Interviú no mes de abril danara gravemente o seu prestixio. Quizais por iso, durante a visita do presidente francés Giscard d?Estaing a Compostela, acompañado polo rei e varios ministros, Rosón foi discriminado no protocolo disposto en Lavacolla, e a Xunta decidiu non asistir a ningún dos actos oficiais, en sinal de protesta. A culpa levouna o gobernador civil da Coruña, Pedro Gómez Aguerre, pero non pasou nada.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos

Menosprezo do Goberno á Xunta de Galicia