A idade do consentimento


O Goberno vai aprobar un aumento da idade de consentimento sexual dos 13 aos 16 anos. Esta decisión vai en contra da realidade social do país, onde, segundo veñen de manifestar un grupo de especialistas en medicina adolescente, en máis do 50 % dos casos, esa relación iníciase entre os 14 e os 16. Este feito vai en contra do que pensan as familias, que xeralmente consideran aos fillos menos desenvolvidos sexual e emocionalmente do que en realidade están.

Na miña última novela publicada, O anxo de Eva, a protagonista ten unha relación sexual xusto ao cumprir os trece anos, e unha amiga súa de catorce mantén unha relación repetida cun compañeiro de estudos. Un profesor de ensino medio acusoume no seu blog de non coñecer ese mundo, o que me fai pensar que non só as familias senón tamén algúns profesores ignoran o mundo íntimo do seu alumnado.

Eu lamento de veras que a infancia sexa tan corta, pero non se pode ir contra a realidade nin contra a natureza. A lexislación debe ser dabondo flexible para individualizar cada caso en función da madureza do adolescente e para distinguir claramente as relacións entre eles da pederastia.

E non esquezamos que no Estado Vaticano a idade de consentimento sexual é de doce anos. Sen comentarios.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
52 votos

A idade do consentimento