A ELECCIÓN dun Papa tiña tantos problemas que houbo que pechar con chave aos cardeais: de aí «conclave»: tempo de deliberación. Invocan a presencia do Espírito Santo, derradeiro recurso do que botarán man para xustificar resultados. O servicio diplomático non depende da institución eclesiástica (Santa Sé) senón do Estado (Vaticano). A fins de 1972 había 76 representacións diplomáticas e 11 observadores en organismos internacionais, amén de 16 representacións non diplomáticas. A Santa Sé recoñece que ese servicio diplomático constitúe a función de maior custe da Igrexa. A estrutura de carácter monárquico, alimentada pola identificación de Roma con Occidente e a doutrina do conciliarismo: o Papa está por riba do concilio e del depende a infalibilidade. A estrutura da Igrexa, que era sinodal, fracasou malia o concilio Vaticano II pola perda da estrutura colexial. Dado o poder pontificio absoluto, un conclave pode significar relativamente pouco.