Homenaxes en Vilalba


Na Terra Chá, veñen de producirse tres recoñecementos extraordinarios. Xa de por si a Terra Chá é algo extraordinario, porque cando eu era un rapaz non existía como tal, e falábase da «comarca central de Lugo», recibindo o nome de «Tierra Llana» unha zona de Cospeito e Castro de Rei, obxecto dunha acción especial do Iryda, á que se trasladou aos habitantes de Negueira de Muñiz que quedaron illados pola construción dun embalse.

Pero en 1959 apareceu o libro Terra Chá, de Manuel María, e conseguiu -dise que é o único caso do mundo no que unha terra toma o nome dun libro- que a gran comarca chairega adquirirá nome propio.

O venres, en Vilalba, Xermolos e a Irmandade Manuel María homenaxearon ao vilalbés Ramón Luís Chao Rego -o pai de Manu Chao, por certo- asignándolle un Hectómetro literario do Paseo dos Soños, para que -décimo dos homenaxeados -comparta espazo cos fitos monumentais de Manuel María, Paco Martín, Xosé Manuel Carballo ou mesmo seu irmán Xosé Chao Rego.

Tamén o venres, e tamén en Vilalba, homenaxeouse pola madrileña Xuntanza da Terra Chá, aos vilalbeses Eugenio Basanta Curbera e Antonio López García,Toni. Eugenio Basanta tivo destacadas responsabilidades en materia de urbanismo e unha longa traxectoria de vilalbesismo.Toni é xornalista, licenciado en Xornalismo e Historia por Compostela, redactor da Radio Galega, superando unha cegueira que para outro sería barreira infranqueable.

Ditoso o pobo que sabe honrar a tres persoeiros, honrando de paso á terra, e a todos os seus habitantes, capaces de recoñecer e admirar aos máis destacados entre todos eles.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Homenaxes en Vilalba