lugo / la voz

Santiago Iglesias ten 20 anos e moitas inquedanzas persoais. Estuda Filoloxía Clásica pola Universidade de Santiago de Compostela (USC) e é o secretario da cofradía de O Carme. A este rapaz gústalle a arte, a historia e a cultura dende que ten uso de razón. Pero tamén inflúe moito a paixón da súa nai pola historia e que a súa familia forma parte da cofradía dende os anos 80 e, ademais, Santiago é cofrade dende pouco despois de nacer.

Atención a peregrinos

«Hai moita xente que ven con guías como Guido ver a igrexa, e eu cóntolles a súa historia e a importancia artística que ten para a cidade», conta Santiago, que tamén sella as credenciais dos peregrinos e participa na organización dos oficios relixiosos. Todo isto compatibilízao cos seus estudos universitarios.

Algunhas das cousas que conta Santiago nestas visitas falan da historia desta igrexa, situada en plena saída dende Lugo do Camiño de Santiago, «ergueuse a finais do século XVIII, pero a construción comezou en 1778 e rematou en 1820 porque os recursos dependían da cofradía», conta Santiago, que tamén explica que a igrexa se fixo sobre unha antiga ermida na honra da virxe do Camiño. Estes son só algúns dos datos que coñece ben Santiago, ao que non se lle escapa ningún dos segredos da igrexa de O Carme, con trazados barrocos e neoclásicos. A súa mestura de estilos so é comparable cos da Catedral de Lugo.

Dúas persoas novas

Antonio de los Ojos é o presidente da cofradía e tamén coñece moi ben a Santiago. «De esta idade, só temos dúas persoas, mentres que na cofradía somos máis de 1.000», comenta el, reflexionando tamén sobre a falla de relevo xeracional nesta índole. A cota que pagan os cofrades destínase ao mantemento da igrexa, que precisa algunhas reformas e que presenta bastante deterioro por humidade. Precisa unha restauración e Antonio comenta que xa están en conversacións co Concello para que se poida producir. A mágoa é que por esta igrexa chove no inverno.

As misas celébranse todos os días 16 de cada mes e a novena do Carme é do oito ao 16 de xullo. O 17 é a misa polos defuntos da cofradía. En tempos, eran moitas as parellas que ansiaban con casarse nesta igrexa. Agora, nela séguense oficiando vodas, bautizos e comuñóns.

Turismo sensorial no corazón de Lugo

María Guntín
O lucense Guido Álvarez organiza visitas sensoriais polo barrio de O Carme
O lucense Guido Álvarez organiza visitas sensoriais polo barrio de O Carme

Guido Álvarez guiou a persoas de máis de 80 nacionalidades polo barrio de O Carme

O barrio de O Carme é un oasis no medio da cidade. Un lugar bucólico, inspirador e cheo de historia que, ás veces, pasa desapercibido. Ten un potencial innato que o Guía Oficial de Turismo de Galicia Guido Álvarez soubo ver xa hai un temo. Ou máis ben dende pequeno, porque el creceu entre os regueiros que conforman o barrio. Este rapaz puxo en marcha O Lugo dos Sentidos, un dos 19 capítulos de O Lugo Menos Coñecido que comezou alá por setembro do ano 2019.

Ata agora, persoas de máis de 80 nacionalidade sumáronse a uns paseos guiados que tamén se centran en descubrir O Carme a través dos sentidos. A dinámica destes paseos organizouna Guido con Gustavo Fouce e Gus Kalamburu. Eles foron os encargados de guiar aos asistentes ata unha experiencia completa, que vai máis alá da información e que consiste no intercambio e na observación da historia e da natureza. Esta tamén é unha viaxe interior, que permite abrir os sentidos e capturar as sensacións que, aínda estando no corazón, ás veces non flúen.

Seguir leyendo

Vive Camino

Toda la información sobre el Camino de Santiago en Vive Camino

Votación
0 votos
Comentarios

O gardián da igrexa de O Carme