«Nunca pensamos que se ían a poñer os nomes por riba dos programas»

O novo alcalde, número dous dos socialistas, recoñece que as negociacións co BNG foron «difíciles»


LUGO / RADIOVOZ

O número dous dos socialistas de A Fonsagrada, Carlos López, converteuse o sábado no novo alcalde do municipio. O BNG foi chave para desempatar entre o PP e o PSOE e conseguir que López se convertera en rexedor. A nacionalista, María Xosefa Ortiz, tivo o voto decisivo para investirlle.

-Como xestionou o PSOE esa condición que para o BNG apoiase a lista socialista?

-A verdade é que non foi fácil. Sempre pensamos que nas negociacións que íamos ter co BNG para formar un goberno de esquerdas nunca se ían a poñer os nomes por riba dos programas. Nós críamos que a candidatura do PSOE, encabezada por Argelio, tiña os suficientes apoios para seguir gobernando co mesmo alcalde. É verdade que as negociacións foron difíciles e nunca puidemos avanzar máis en asuntos de xestión e solución de problemas porque sempre nos atopábamos con esta condición de que o PSOE tiña que facer un corremento de lista.

-Un veto?

-Si, foi un veto. Foi a condición sine qua non para que puidéramos recibir o apoio do BNG. Na última xuntanza, pouco antes da celebración do pleno de investidura, Argelio, nun acto de xenerosidade e para que primase un goberno de esquerdas dixo que non ía ser un estorbo.

-Que lectura se fixo dende o PSOE fonsagradino da perda de votos nestas eleccións?

-Perdemos as eleccións, o Partido Popular foi a lista máis votada. É certo que só cunha diferenza de 11 votos. Que puido pasar para que dun apoio maioritario con oito concelleiros hai catro anos o PSOE baixe a cinco? Hai moitos factores, ao mellor non soubemos explicar ben a nosa xestión. É certo que esa maioría tan ampla nos puido levar a confiarnos un pouco. Está o tema de que Argelio e a Deputación sufrise eses problemas, practicamente dende o pleno constituinte onde houbo sucesivos cambios de xente nas distintas áreas. El ano e medio antes das eleccións municipais tivo que facerse cargo dunha vicepresidencia e dunha delegación de obras que antes estaba a cargo de Manuel Martínez. Iso roubáballe moito tempo e quizais no resto do equipo non soubemos facer ese traballo que el no podía facer.

-As imaxes lamentables que se viron na Deputación puideron salpicar a Argelio Fernández?

-As imaxes que se viron non eran agradables. Penso que puido afectar a imaxe de todos os deputados e como deputado que era lle puido afectar.

-Entendemos que o BNG vai a entrar no goberno?

-Está enriba da mesa. Nós no acordo da última mesa de negociación que tivemos o sábado antes do pleno, falouse desa posibilidade. Nos demos un tempo de dous ou tres meses para poder facer esa integración e como levamos adiante esa integración.

-Non podo rematar a entrevista sen preguntarlle, como valora a dimisión de Álvaro Santos?

-Todos sabemos que cando nos presentamos baixo unhas siglas estamos obrigados a acatar as decisións dos órganos e foi algo que se aprobou nun comité nacional. Acatar a decisión que fai a executiva nacional galega é o que temos que pensar e que en menos dun ano temos unhas eleccións autonómicas e hai que tratar de formar un goberno de esquerdas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
14 votos
Comentarios

«Nunca pensamos que se ían a poñer os nomes por riba dos programas»