Como consecuencia da celebración das eleccións municipais o pasado 24 de maio iníciase o proceso de renovación, articulado nun triple trámite: liquidación, constitución e organización. A finalización do mandato da Corporación prodúcese coa celebración das eleccións, abríndose desde ese momento e ata a constitución da Corporación, vinte días despois, o período de liquidación do mandato. En dito concepto se englobarían todas aquelas actuacións tendentes a pechar o mandato cuatrienal. Entre as mesmas se atoparían: a aprobación das actas anteriores, o cese do persoal eventual, comprobación do inventario ou a acta de arqueo extraordinaria.
As corporacións locais constituiranse en sesión pública o vixésimo día posterior á celebración das eleccións ou o cuadraxésimo día posterior ás eleccións se se presenta recurso contencioso - electoral contra a proclamación dos candidatos electos, sendo estes prazos improrrogables e referidos a días naturais. Así, o próximo sábado 13 de xuño de 2015 celebrarase a sesión constitutiva das novas corporacións locais, data na que a nova Corporación quedará legalmente constituída. Nesta sesión, procederase á constitución da mesa de idade que presidirá a sesión ata a proclamación do alcalde; á comprobación de credenciais e personalidade dos electos; ao xuramento ou promesa dos Concelleiros; á declaración de constitución da Corporación; á elección do alcalde e ao xuramento ou promesa do alcalde e toma de posesión, no seu caso. Para que se declare constituída a Corporación nesta primeira sesión, é preciso que ao acto concorra a maioría absoluta do número de concelleiros electos, é dicir, máis da metade deles. De non acadarse dita maioría, convocarase sesión constitutiva para celebrala dous días despois, quedando ese día constituída a Corporación calquera que fose o número de concelleiros presentes.
Así, na mesma sesión de constitución, podendo ser candidatos todos os concelleiros que encabecen as súas correspondentes listas. O corpo electoral está constituído polos concelleiros electos e que tomaran posesión previamente ao acto de elección de alcalde. Realizada a correspondente votación, o Concelleiro que obteña a maioría absoluta dos votos será proclamado Alcalde e, se ningún candidato obtivese a maioría absoluta, será proclamado alcalde o candidato que encabece a lista que obtivera maior número de votos populares. Este criterio se mantén ao longo do mandato de tal forma que cando se produce a vacante de alcalde, a elección de novo alcalde se producirá, tamén polos concelleiros, de entre os que nese momento encabecen as listas dos seus respectivos partidos, coalicións ou agrupacións de electores e, unicamente pode nomearse alcalde a outro Concelleiro se quenes van diante del na correspondente lista renuncian ao cargo de concelleiro, ou de alcalde, pasando neste caso ao final da lista de concelleiros de forma que sexa el quen encabece nese momento a lista, a excepción da presentación de moción de censura, no que calquera concelleiro pode ser proposto para Alcalde.
Despois de constituída a Corporación para que poida empezar a funcionar precísase dunha serie de acordos organizativos, e que fan referencia ao propio funcionamento dos órganos colexiados (plenos, xuntas de goberno local e comisións informativas permanentes), nomeamentos de tenentes de alcalde e membros da xunta de goberno local, delegacións de competencias entre os órganos municipais, nomeamento de persoal eventual, fixacións das dedicacións dos membros da Corporación e nomeamento de representantes da Corporación municipal noutros entes ou organismos.