Lugopatrimonio elixiu directiva e aprobou un amplo programa


A asociación Lugopatrimonio elixiu o martes pola noite a súa primeira xunta directiva, dando por rematada así a súa etapa inicial na que funcionou cunha xestora. Na mesma asemblea tamén aprobou a programación para o próximo ano, que será moi intensa, na liña do traballo desenvolvido ata agora.

O escritor Lois Diéguez, que presidía a xestora, ocupará o mesmo cargo na directiva, o mesmo que o historiador Adolfo de Abel Vilela, que seguirá sendo vicepresidente. A xunta directiva complétana a secretaria, Tareixa Cabello de la Torre; o tesoureiro, Xosé Anxo Lence, e os vocais Sabela Rodríguez Campo, Orlando Viveiro Veiga e Carlos Ferreiro.

Un dos proxectos aprobados para o próximo ano e un calendario de traballo para conseguir que as consellerías correspondentes tramiten unha lei que defina unha nova figura do patrimonio galego que Lugopatrimonio identifica como Ben Rural de Interese Cultural e Etnográfico. Esta asociación tamén pretende colaborar estreitamente coas asociacións que organizan festas e ritos enraizados na cultura, como as Fachas de Castelo, en Taboada; o Oso de Salcedo, en A Pobra de Brollón; o Meco e as Pampónigas, de Quiroga; o Entroido Ribeirao, de Chantada e as Danzas da Cervela, en O Incio.

Ademais, en xaneiro a asociación desenrolará o ciclo Coñecer as Nosas Cidades, con unha viaxe a Ourense para coñecer o traballo do escultor Arturo Baltar e facer un percorrido literario, incluído o na novela A Esmorga, de Blanco Amor. Previamente haberá dúas conferencias e proxeccións relacionadas coa provincia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Lugopatrimonio elixiu directiva e aprobou un amplo programa