LICOR DE HERBAS | O |
05 ago 2005 . Actualizado a las 07:00 h.ESTOUTRO día no ambulatorio da Seguridade Social a onde fun por pastillas para miña nai un paisano fornido el, falaba de que vendía as patacas. A non sei canto o kilo. Resulta que Galiza lles é terraxe boa para as patacas. Coma Irlanda. Danse bastante ben na nosa terra as patacas que son un producto non moi literario por outra parte e moi básico. Deume gracia ver cómo se trafega nas patacas. Igualiño có pintor Manolo Carreira cargaba sacos de patacas na tenda ou tasca ou comedeiro público de seu pai. Admiramos o vitalismo de Hemingway. Contou miña nai estoutro día que viu un raposo bonitiño el por enriba dun alto valado na procura de pitas dun galiñeiro que temos na vella pendella ao carón da estrada da Coruña. O raposo de fuciño bonito de Alfonso Pexegueiro prologuista en verso do libro de Méndez Ferrín Con pólvora e magnolias . Un poema-prólogo que non desmerece do volume do mestre de Vilanova dos Infantes. Conta Faulkner que as cobras, ou quiobras como lles chama Cuña Novás gorentan os óvos de galiña. Nos veráns as cobras achéganse aos galiñeiros supomos que para beberen os óvos. Faulkner, Heminway e o mundo ianqui de almorzos ou xexúns a base de touciño frito, óvos e demáis. redac.lugo@lavoz.es