NO OUTEIRO | O |
04 dic 2004 . Actualizado a las 06:00 h.VAMOS con tanta présa que non sempre hai posibilidade de atender a todos os requirimentos que demanda a sociedade. Se hai nada era o Día Internacional da Loita contra a Sida, ao día seguinte foi o da Abolición da Escravitude e xa inmediatamente o Día Mundial do Discapacitado. Compréndese axiña que os implicados, ou interesados, desexen ler algo do seu problema alomenos nese día, como esgrimen. E levan razón. Brevemente quixera referirme á enfermidade da Sida. Por sorte considerada -xa era hora- coma outra calquera. A Sida medra e medra nos países pobres sen atopar un final. Nos desenvolvidos, en cambio, hai máis medios e maior comprensión. Non toda. Acordémonos de Teresa de Calcuta, quen nunca dubidou apertar aos leprosos para darlles cariño, o que máis precisan as máis de tres mil persoas rexistradas en Galicia; 272 na provincia. Só o ano pasado déronse 91 novos casos na comunidade. Na liña da prevención fálase do uso do preservativo e da educación. En todo caso, nunca se debe estigmatizar ao doente. Tampouco aos discapacitados. Ás veces sobra compaixón e falta máis axuda. E sobre todo, que nos interesemos polos seus problemas.