DESDE EL ADARVE
12 ago 2004 . Actualizado a las 07:00 h.O TEMPO supéranos, a chuvia desconcértanos. Sen embargo, autoridades e coñecedores do turismo adoitan dicir que o modelo de sol e praia está esgotado, ata o punto de que o arriba asinante, que vai á praia sempre que pode, mesmo estuda a creación dun clandestino movemento cívico de usuarios de bañadores sen complexos. O grupo sería pacífico, faltaría máis, e conviría sen problemas, por exemplo, coa asociación de portadores de paraugas en agosto. Pero mentres uns e outros andamos máis ou menos conformes co tempo que nos toca, hai nenas e nenos que son un auténtico modelo de convivencia. En Lugo e na Mariña, na Terra Chá e no occidente de Asturias hai rapaces do Sáhara que pasan parte do verán con familias que os acollen. Os de aquí e os de alí demostran que a boa vontade supera realmente moitas barreiras.