DESDE EL ADARVE
11 may 2004 . Actualizado a las 07:00 h.CADA VEZ son máis os cidadáns que se queixan da permisividade ou da falta de control por parte da Policía Local á hora de deter a multitude de infraccións que se cometen a diario nas vías da cidade e das parroquias. E non cargo contra os policías locais, que cumpren ordes, senón contra os que deciden e mandan. Téñoo dito nesta columna algunha vez. As rondas de Fingoi e do Carme son pistas de automobilismo, con coches que ademais de ir a máis de 50 por hora, cruzan de carril cunha facilidade asombrosa. Evidentemente, os pasos de cebra non existen, e os semáforos pásanse moitas veces en vermello. Outro asunto é o do cinto de seguridade. O señor Corredoira anunciou un gran plan formativo e de sanción para concienciar aos conductores. ¿Viron a alguén controlando? E logo, que me din dos coches en dobre fila na ronda da Muralla ou dos rallys polas pistas de Ombreiro.