LA TRIBUNA
09 oct 2002 . Actualizado a las 07:00 h.O QUE vivíu a cidade o pasado fin de semana foi algo para lembrar. Miles de persoas disfrutaron na rúa das festas do San Froilán. Desde primeiras horas ata ben entrada a noite. O sábado, o que quería música electrónica, podía escoitar en Campo Castelo ós pinchadiscos lucenses. Se a un lle gusta o das verbenas, dúas boas orquestras actuaron na praza Maior. Se lle tiran os sonidos flamencos, en Santa María. Que quere atraccións, o feiral. Que quere comer, o polbo nas casetas. E que quere beber, pois as barras dos bares e dos pubs estaban a pé de rúa. A verdade é que o que quixera divertirse tivo opcións dabondo, e o que non, pois tivo que aguantar a festa e os fogos de artificio como mellor puido. Pero Lugo si vivíu a festa, aínda que algúns a tomaron coas papeleiras e contenedores. Agora achégase outro fin de semana intenso en actuacións. Todo parece indicar que o tempo vai axudar. Álex Ubago, Sinistro Total, Olga Guillot, verbenas, feira medieval, música folk, festival de monicreques, e fogos artificiais de peche son atractivos suficientes. O que non queira ou non saiba divertirse, recoméndolle que se vaia por uns días. suso.varela@lavoz.es