Un bloque de vivendas levantase na casa na que viviu Manuel Jorge
25 ene 2026 . Actualizado a las 05:00 h.A casa na que viviu Manuel Jorge en Chantada era un modesto pero xeitoso inmoble de baixo e un piso superior que desapareceu nos anos entre o milenio pasado e este. No seu lugar foi construído un bloque de vivendas de catro alturas, entrechán e baixo comercial.
A vivenda deste recoñecido arquitecto e pintor nado en Chantada no ano 1929 atopábase na rúa Fonte Arcada. Nela residiu ata que marchou a Madrid en 1947 coa finalidade de estudar arquitectura.
Na súa vila de Chantada foi onde comezou a dedicarse á pintura, unha disciplina que aprendeu por si mesmo, e que, xunto coa sua profesión de arquitecto, levou ar fresco ao establecido naqueles tempos. Un ar fresco simbolizado polo seu característico uso dunha viva cor azul.
Manuel Jorge viviu noutras cidades e vilas, mais foi en na valenciana Xávea onde máis asentou e alí finou na primavera do ano 2020.
Grazas ao traballo dunha fundación creada en Chantada e que leva o seu nome, vaise crear un museo dedicado a Manuel Jorge nunha histórica casa no Cantón, en pleno casco vello.