? exposición que Yvon Dupuoy presentará en Salcedo comprende numerosos documentos fotográficos e filmacións en video que recollen festas carnavalescas protagonizadas por figuras de oso. Entre elas destacan as que se celebran en Prats de Molló e noutras localidades da Cataluña francesa, así como no País Vasco, Navarra e Aragón. O profesor francés sinala a existencia doutras festas similares que se conservan no Val de Aosta (norte de Italia), Suíza, Austria, Romanía... «Pero nestas festas a figura do oso non ten tanta forza como en Salcedo e Prats de Molló», puntualiza. Dupuoy, profesor dun colexio da rexión das Landas, non é antropológo profesional, pero leva moitos anos estudiando as tradicións carnavalescas e ten colaborado co Museo do Carnaval da localidade belga de Binche. En breve incorporará o entroido de Salcedo á súa colección de documentos gráficos.