Salustiano Mato: «Todos somos vaidosos»

GALICIA

Mato en la Facultade de Bioloxía da UVigo
Mato en la Facultade de Bioloxía da UVigo Oscar Vázquez

O exreitor da Universidade de Vigo, que está a investigar sobre bioplásticos e sobre a velutina, asegura que non volverá a política, tras rexeitar varias ofertas

03 ago 2021 . Actualizado a las 05:00 h.

Nun despachiño de apenas 6 metros cadrados, se é que chegan, o exreitor Salustiano Mato (Santiago, 1960) non para.

—Iso de Salustiano... de onde lle vén?

—Púxoo meu avó. Cando pasaban lista, todos os nenos rían. Entón eu, con oito anos, preguntei ao meu avó, que era un tipo moi estudoso, un cabaleiro do século XIX. E dixo: «Es un derivatio nomini -el falaba así- de Salustio, que en su etimología griega es ‘‘salud duradera’’».

—Que acaído para estes tempos!

—Ha, ha, ha. Toca madeira! Pero é que ademais a derivación ao castelán vén dunha beatificación, de Cayo Crispo Salustio, que foi o primeiro gobernador ibérico do Imperio Romano que abrazou o cristianismo.