José Manuel Braña: «Por 500 euros non compensa ser alcalde»

Afirma que cobra 1.700 líquidos e que só en gasoil se lle van 400 cada mes


lugo / la voz

Con 72 quilómetros cadrados e 224 habitantes segundo o Instituto Nacional de Estadística (INE), Negueira de Muñiz paga dúas dedicacións exclusivas: ao alcalde, José Manuel Braña (PSOE), e ao tenente de alcalde (1.100 euros netos ao mes).

-Non sei se é moito ou pouco. Só sei que cobro algo menos de 1.700 euros netos e que para atender as necesidades que teñen os veciños só en gasoil se me van máis de 400 euros ao mes. Antes era auxiliar administrativo e gañaba uns 1.000.

-Sorprende que un municipio tan pouco habitado abone dous soldos do equipo de goberno...

-Os municipios son un reino de taifas, e o que cobran algúns secretarios é escandaloso. Todos os soldos deberían estar estipulados pola lei. Eu non pretendo cobrar 3.000 euros, pero por 500 tampouco compensaría ser alcalde. Non sei as firmas que boto ao día, e iso esixe unha responsabilidade que hai que pagar dalgunha maneira.

-¿Parécelle ben que se supriman concelleiros?

-Non solucionará nada porque a maioría non cobran un peso. Negueira non necesita rescate, necesita o Pacto Local e que lle paguen competencias.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
25 votos

José Manuel Braña: «Por 500 euros non compensa ser alcalde»