O «Galician noir» triunfa no mundo

carme d. prol / A. A.

FUGAS

Equipos con anos de experiencia están detrás de series de éxito como «Néboa», «El desorden que dejas» e «O sabor das margaridas»
Equipos con anos de experiencia están detrás de series de éxito como «Néboa», «El desorden que dejas» e «O sabor das margaridas»

Os «thrillers» feitos en Galicia deron lugar a un novo xénero, con sabor propio, que conquista o público das grandes plataformas e da televisión. Cal é a clave deste éxito sen fronteiras?

03 oct 2021 . Actualizado a las 23:38 h.

denominación é de do diario británico The Guardian. Chámanlle «Galician noir», un xénero que vai sumando títulos e o recoñecemento do público e varre fronteiras. Recolle a atmosfera das paisaxes galegas e a vangarda do xénero negro en streaming.

Algunhas das series baixo o paraugas desde estilo con denominación de orixe evocan os contos de medo das aldeas, outras escollen tramas máis urbanas, pero todas deron na tecla do éxito. Por que?

Máis alá do misticismo galego do que beben, este bum débelle moito a un tecido industrial consolidado, un sector con experiencia que o único que precisaba era dar un salto para colocar as súas producións a ollos do público internacional. A tele tamén ten o seu protagonismo, pero coa chegada das plataformas deuse o gran empurrón e o non hai quen as pare.