Vox Ánima


A mañá do 3 de xaneiro de 1881, nun dos seus paseos pola cidade de Turín, Friedrich Nietzsche presenciou por azar a escena do maltrato dun cocheiro ao seu cabalo, imposibilitado para seguir camiñando. O filósofo rodeou cos seus brazos o pescozo da vítima, protexéndoo dos golpes. Ao pouco derrubouse chorando, caendo nun colapso mental no que pasaría os seguintes dez anos, ata a súa morte. Fundada en abril de 2012, a asociación animalista barbanzá Vox Ánima recupera a aperta nietzscheana a todo individuo animal vítima de explotación, maltrato, crueldade ou abandono. Procedentes do ámbito das protectoras e impulsados pola defensa dos dereitos dos animais, Vox Ánima maniféstase como unha organización antiespecista disposta a converterse na voz dos sen voz, mediante campañas de concienciación e protesta. Con escasísimos recursos, procedentes de mercadiños, eventos benéficos e achegas dos seus socios, a asociación loita pola consecución dun refuxio-santuario multiespecie que acolla todo animal desamparado e abocado a unha morte segura. A condición humana implica necesariamente o respecto ao dereito á vida de calquera outro ser vivo. De igual xeito que igualamos razas e sexos, debemos igualarnos todos os sentintes. A colaboración de todos nós é determinante (voxanima.org).

Arousa Norte redefínese como un espazo xeográfico tomado pola indignación e os posicionamentos asociacionistas fronte á inoperante clase política que nos domestica. A Asemblea en Defensa do Ensino Público na Barbanza entregou máis de 6.000 sinaturas no rexistro da casa consistorial de Ribeira o pasado 2 de febreiro para manifestar o rexeitamento de anpas, alumnos e profesores de todos os municipios da comarca á ferinte nova lei educativa.

Unha arriscada e necesaria aposta editorial, Axóuxere, vai xa para os dous anos de vida dando claves de pensamento crítico necesarias para saír do estado de anestesia moral definitorio do capitalismo. A súa casa-residencia de escritores e escritoras de Brión (Rianxo) é un fervedoiro de intelixencia e traballo, un lúcido intento de transfiguración do social.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos

Vox Ánima