09 may 2019 . Actualizado a las 05:00 h.
Na fotografía que acompaña este texto, exposta no Museo Mares de Cedeira, vese a rapeta do tío Pedro de Monteiro cos seus rapeteiros de Santallamar. «El é o que está máis metido na auga. Na mesma ‘perna’ síguelle Andrés do Teleres [fillo do faroleiro da vila], e enriba está Garrús [o fresqueiro]. Na outra perna hai uns cantos rapaces da Area», detalla. A escena transcorre «nun día de verán, no Regueiro do Medio da praia da Magdalena [na Volta]». Lembran que os veraneantes se achegaban a mirar. «E os cativos da vila que nos estabamos bañando iamos correndo e axudabamos a tirar dos cabos da rapeta, e se viña abondo, dábannos a cada un o noso peixiño».