Identidades


Saíndo do metro en Saint Denis a visión da praza, había mercado, semellaba a unha cidade africana: os vestidos, as falas, os postos de productos exóticos... Pero era Francia.

Alí estaba o Hotel de Ville, estilo chateau inconfundible, coa bandeira francesa. Os países reciben inmigrantes e xa nunca volven ser o que eran antes.

«Non te podes bañar no mesmo río», dicía o filósofo. O negocio da trata de escravos meteu negros en América.

Agora son afroamericanos. Eles estiman chamarse así. Xa que logo os levaron á forza agora os colonos brancos han de tolerar esa identidade.

En Galicia hai poucos inmigrantes. Aínda así temos unha palabra para sinalar aos que veñen de fóra: Os venideiros. As festas son momentos críticos para comprobar a integración dos venideiros.

O adoito é que os inmigrantes celebren as súas festas de identidade propia como os andaluces de Cataluña que pediron un monte para «repetir» o ritual do Rocío.

En Ponferrada os galegos tomaron como seu o monte da Cruz de Fierro (os galegos din ferro) para celebrar o día de Santiago.

O de Cataluña é un caso máis do fenómeno que nega a mestizaxe.

Hai medos a perder a identidade patria. As culturas dos inmigrantes marxinados nas pagas non dan desaparecido e fabrican seguido formas de identidade propias. Hai medo a desaparecer como pobo «puro».

Ese medo empurra aos cataláns «de seu» a reafirmar a catalanidade .

Pasa eiquí e en Pekín, onde negan outras identidades. ¿Podemos dicirlle ao mar que non se mova?

Conoce nuestra newsletter con toda la actualidad de Ferrol

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Identidades