«En Canadá hai moita menos carga curricular e moitas optativas»

Acaba de chegar de Canadá tras unha estadía dun mes como observador nun instituto de Ottawa


Lalín / La Voz

Xosé Manuel García, profesor de Educación Física do IES Laxeiro acaba de chegar de Ottawa, en Canadá, tras unha estadía dun mes como observador. Un desprazamento que se materializou a través do Programa Integral de Aprendizaxe de Linguas Extranxeiras (PIALE) da Xunta de Galicia. Era a segunda vez que vivía esta experiencia en Canadá, aínda que mudou de cidade e de zona. A outra vez foi case polas mesmas datas alá polo ano 2015.

Nesta ocasión o seu centro foi o Bell High School que, explica, ten rapaces de sétimo o duodécimo grao, que sería como a nosa Secundaria e primeiro e segundo de BAC e está na capital do país en Otawa, mentres que fai catro anos estivo en Montreal. Lembra que as dimensións do país son outras e sinala que as provincias teñen moita máis autonomía e competencias en diferentes cuestións como é o caso da educación. A súa misión era de observador, o carón sobre todo dun profesor de Educación Física. Estivo en clases desta materia, axudando en actividades diversas e tamén en clases de idiomas, neste caso as de inglés.

A experiencia serve, apunta, para «aprender boas prácticas e tamén para ver que nos facemos cousas que están ben». En cando as diferenzas explica que «os rapaces alí teñen moita menos carga curricular, hai moita especialización e moitas optativas». O sistema, apunta, «é de créditos cuns mínimos en inglés, matemáticas e outras materias, un pouco como aquí na Universidade». Os horarios tamén son diferentes. «teñen catro períodos diarios de 75 minutos co lunch ás 12.00 horas e nas clases teñen poucas materias, catro ou seis fronte as 10 como mínimo que teñen aquí», engade. O centro onte estivo ten preto de 1.200 alumnos e unhas instalacións deportivas acordes o tamaño «cun palacio de xeo con pista de hóckey sobre xeo, un ximnasio, un campo de fútbol, un de béisbol... pero non tiñan pantallas interactivas nas aulas, por exemplo», precisa. A sociedade é diferente e «alí os rapaces son máis tranquilos, o ocio é diferente, non se fai vida na rúa como aquí e os exñamenes evalúan menos, conta máis os traballos e outras tarefas. Alí ademáis os rapaces teñen que facer labouras sociais, cousa que aquí non».

Una sociedade multicultural na que di, «hai moita xente da zona de Oriente, e moita de Asia, algúns ían un ano e unha boa parte de xente que emigrou no seu día ó país». Tamén atopou, conta, a algúns españois que ían a facer tres meses de Secundaria: un catalán, tres canarias e unha rioxana, que lembre, pero ningún galego. Ían con bolsas para perfeccionar o idioma e ter esa experiencia no estranxeiro.

Xosé Manuel García destaca que «hai moita diversidade e respetáse moito a identidade, de feito si houbera un grupo de galegos, impartirían galego para que non perderan as súas raíces».

As clases comezaban ás 8.55 horas e a saída era as 15.10 ou 15.15 horas. Os fines de semana os aproveitou para coñecer outras zonas do país e a xente. En canto o novel de vida sinala que «favorécenos o euro, aínda que segue sendo moi caro, pero o nivel é equiparable porque alí os soldos son máis altos».

Destaca os beneficios de estas experiencias que sempre serven para mellorar a comunicación en inglés. Esta vez, di, «puiden ir porque houbo unha vacante». Seguro que terá moito que contar os seus alumnos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«En Canadá hai moita menos carga curricular e moitas optativas»