lalín | Rai Portas leva ao frente da súa tenda de roupa deportiva en Silleda, agora situada na rúa Alonso Paz, dende hai trece anos e advirte como a compra deste tipo de prendas está encamiñándose cara un uso extradeportivo. Nos últimos tempos, apreciou que na localidade aumentou a venda para a práctica do tenis pero seguen liderando as destinadas a correr.
-¿Cal é a prenda estrela agora?
-No verán, as camisetas; pero quizais agora o pantalón pirata, bermudas largas...
-¿Para homes e para mulleres?
-A muller mídese máis, tenlle que quedar moi ben a prenda para quedarse con ela, pero si quizais tamén colle o pirata. Tamén o bum das sandalias de tira, e incluso para o home, que antes estaba reservado o mundo feminino e agora desprazouno.
-¿Qué pesa máis a hora de elixir: as marcas ou a estética?
-As marcas quizáis sexan o primeiro que chaman a atención, pero despois pesa moito a estética. Aínda que marca segue marcando a pauta.
-¿Somos atrevidos ou clásicos?
-Teño unha variedade de clientela tan grande, dende un rapaz recén nacido ata unha persoa maior, que atopas de todo. E ademais non hai idade.
-¿Cambiou moito a utilización das prendas deportivas?
-Agora a roupa deportiva pasou a ser roupa de rúa. Agora úsase a camiseta deportiva para ir pola calle, pero séguese vendendo para facer deporte, que é como realmente tería que ser.
-¿Nota aumento de venda para algún tipo de deporte en Silleda?
-Agora está de moda o tenis.