O Club Ciclista Estradense Hierros-Diego despraza hoxe ata Bilbao a catro dos seus corredores. Trátase de Juan Mourón, Rubén Brage, Jesús González e David Maroño. Os catro corredores participarán na Klásika de San Rokillo. Aínda que nun principio o club planeaba estar tres días no País Vasco, finalmente só competirán na proba de hoxe. A carreira desta tarde ten un percorrido total de 122 quilómetros. Os primeiros 90 quilómetros do percorrido son llanos e sen excesivas complicacións, pero o último tramo, de 30 quilómetros terá máis dificultades. Trátase dun percorrido con dous portos de montaña que os corredores deberán subir dúas veces. Son os portos de Abellaneda e Beci. En principio, o obxectivo co que chega o club da Estrada a Bilbao é o de completar a preparación dos seus homes, sobre todo de González e Brage de cara a vindeiras probas, sobre todo, a Volta da Coruña, a vindeira semana. Aínda así, o club tentará potenciar o bo momento de forma no que está Juan Mourón.